नेपालको भूगोल नेपाल दक्षिण एशियामा अवस्थित एक सानो तर भौगोलिक रूपमा अत्यन्तै विविध देश हो। नेपालको कुल क्षेत्रफल १,४७,५१६ वर्ग किलोमिटर छ। यो देश उत्तरमा चीन (तिब्बत) र दक्षिण, पूर्व तथा पश्चिममा भारतले घेरेको छ। नेपालको अक्षांश लगभग २६ डिग्री २२ मिनेट देखि ३० डिग्री २७ मिनेट उत्तर र देशान्तर ८० डिग्री ०४ मिनेट देखि ८८ डिग्री १२ मिनेट पूर्वसम्म फैलिएको छ। यति सानो क्षेत्रफल हुँदाहुँदै पनि नेपालमा पाइने प्राकृतिक विविधता संसारमै दुर्लभ मानिन्छ। नेपालको भूगोललाई मुख्य रूपमा ३ भागमा विभाजन गरिएको छ । हिमाल, पहाड र तराई। हिमाली प्रदेश देशको उत्तरी भागमा अवस्थित छ। यहाँ विश्वकै सर्वोच्च शिखर सगरमाथा अवस्थित छ, जसको उचाइ ८८४८.८६ मिटर छ। हिमाली क्षेत्रमा वर्षभरि हिउँ पर्ने, तापक्रम ० डिग्रीसेल्सियस भन्दा तल झर्ने र जनसंख्या कम हुने विशेषता पाइन्छ। याक पालन, पर्यटन र पर्वतारोहण यहाँका प्रमुख क्रियाकलाप हुन्। पहाडी प्रदेश हिमाल र तराईको बीचमा पर्छ। यहाँ डाँडा, पहाड, उपत्यका र नदीहरू प्रशस्त मात्रामा पाइन्छन्। काठमाडौँ, पोखरा, धरान जस्ता सहरहरू पहाडी क्षेत्रमा पर्छन्। पहाडमा मौसम समशीतोष्ण हुन्छ र कृषि, व्यापार तथा शिक्षा यहाँका मुख्य आधार हुन्। पहाडी भूभागमा गुराँस, सल्ला र चिलाउने जस्ता वनस्पति पाइन्छन्, जसले वातावरणलाई हरियो बनाएको छ। तराई प्रदेश नेपालको दक्षिणी भागमा अवस्थित समथर भूभाग हो। यहाँको माटो उर्वर भएकाले धान, गहुँ, मकै, उखु जस्ता बालीहरू उत्पादन हुन्छन्। तराईलाई नेपालको "अन्न भण्डार" पनि भनिन्छ। जनसंख्या घनत्व यहाँ सबैभन्दा धेरै छ। तापक्रम गर्मीमा ४०डिग्रीसेल्सियस सम्म पुग्न सक्छ, जसले जीवनशैलीलाई प्रभाव पार्छ। नेपालमा धेरै नदीहरू छन्, जस्तैः कोशी, गण्डकी, कर्णाली र महाकाली। यी नदीहरू हिमालबाट उत्पत्ति भई दक्षिणतर्फ बग्छन्। नदीहरूले जलविद्युत् उत्पादन (जस्तै १००० मेगावाटभन्दा बढी सम्भावना) र सिँचाइमा ठूलो योगदान दिएका छन्। साथै, तालहरू पनि नेपालको भूगोलको महत्त्वपूर्ण अंश हुन्। रारा ताल, फेवा ताल र बेगनास ताल प्रसिद्ध उदाहरण हुन्। यसरी, नेपालको भूगोलले प्राकृतिक सौन्दर्य, सांस्कृतिक विविधता र आर्थिक सम्भावनालाई एकै ठाउँमा जोडेको छ। सानो देश भए पनि (१००% गर्वका साथ), नेपालको भूगोल संसारभर चिनिएको छ।