Sare jahan se accha hindostan hamara Hum bulbulain hai iss ki yeh gulsitan hamara Ghurbat men hon agar ham rahta hai dil vatan men Samjho vahin hamen bhi dil hain jahan hamara Parbat voh sab se uncha hamsaya asman ka Voh santari hamara voh pasban hamara Godi men khelti hain jis ki hazaron nadiyan Gulshan hai jin ke dam se rashk e jana hamara Aye ab rood e ganga voh din hai yad tujhko Utara tere kinare jab karvan hamara Mazhab nahin sikhata apas men bain rakhna Hindi hai ham vatan hai hindostan hamara Yunan o misr o roma sab mit gaye jahan se Ab tak magar hai baqi nam o nishan hamara Kuch bat hai ki hasti mitati nahin hamari Sadiyon raha hai dushman daur e zaman hamara Iqbal koi meharam apna nahin jahan men Malum kya kisi ko dard e nihan hamara Sare jahan se accha hindostan hamara Ham bulbulain hai is ki yeh gulsitan hamara..